Castellammare anima mia
La Regina delle Acque
Cara Napoli, io te voglio bbene,
quanno se va fore, me canoscene pe’ tte,
tu c’acciette ‘e figli e tutte quante
t”e strigne ‘mbraccie… comme si fosseno ‘e tuoje.
Ma io so’ ‘nnammurato, e niente ‘nce pozzo fa,
è ‘na bella guagliona, e t’ha vulesse appresentà.
E’ fatta ‘e acqua minerale, sorgenti in quantità
si sulo ‘a guarde ‘nfaccia, te fa emozionà,
pur’essa è bella, mamma e quant’è bella,
tu te putisse offendere, ma ‘a vita mia è chella.
Questi versi raccontano uno spaccato di vita negli anni ’50 e ’60. Le famiglie nominate nel testo vivevano in uno stabile situato ” abbascio ‘a funtanella ” ex via S. Caterina n. 29, anche questo edificio chiamato ” ‘O purtone d”e Fuselle “, non esiste più. I sono stati anche musicati e cantati dal maestro Eduardo Liquori.
Vincenzo Veropalumbo
Panorama notturno (foto Maurizio Cuomo)
Notte stabiese
Si è nu suonno nun mi scetate,
si stò durmenno lasciateme sunnà,
chesta è notte stabiese;
addò o mare è na cuperta,
a scugliera è nu cuscino,
e cust’aria fresca e fine pure a luna s’è vestuta cu nu scialle chin e stelle.
Nell’incanto e stu paese,
tutt’attuorno a chisto golfo,
ogni luce è nu brillante,
e na barca parte e va,
canta a buordo o marenaro na canzone assai antica e’ tanto tiempo fa.
Dint’ ò silenzio e sta nuttata,
si vuò scuprì chistu mistero,
ti stienni ncopp a rena,
e co core estasiato pe vedè chesta magìa, può sunnà senza durmì. Continua a leggere
Il Vesuvio
(Maria Carmela Zurolo)
Il Vesuvio è una montagna
dallo sguardo che t’incanta.
E s’estende per cullar
tra le braccia l’azzurro mar.
Ai suoi piedi un giardin
son felci, ginestre, ciclamin.
Son fragole rosse, chicchi dorati
che pendon giù dai pergolati.
Nel sol d’estate, sol leone
si sente profumo d’arancio e limone.
Nel vento che canta i profumi son tanti
essenze soavi ed inebrianti.
Il Vesuvio è una montagna
che sonnecchia e non si lagna.
Il Vesuvio monte lieto?
Porta in grembo un gran segreto.
Un segreto non leale
La materia primordiale!
Un nostro commento alla genialità di Viviani è superfluo e potrebbe risultare irriverente, faccio solo notare quanto risulti essere ancora attuale questo suo stupendo scritto, e spero vivamente che ci aiuti a riflettere.
Maurizio Cuomo
.
da: “Padroni di barche“
Sulo pe’ ll’acqua,
Castiellammare avarrì’ a tene’ furtuna!
Io fino a chest’età,
nun so’ trasuto maie dint’a na farmacia.
Qualunque disturbo,
trovo ll’acqua adatta;
e ‘o disturbo passa!
Embé a ggente va all’ati pparte,
e nun vene ccà!
E che ce vuò fa’?
Le nostre acque so’ comm’ a chelli signurine
ca nun ghiesceno ‘a dint’ ‘a casa;
o al massimo fanno dduie passe
‘a dummenica pe’ dint’ ‘a Villa, cu ll’uocchie ‘nterra.
E quanno so’ ‘e nnove già stanno dint’ ‘o lietto
e cu ‘a capa sott’ ‘e ccuperte.
Chi ‘e ccunosce? Chi nne parla? Nisciuno!
Ll’acqua ‘e ll’ati paise, invece,
so’ signurine evolute, attrezzate al commercio,
‘a comme se vestono a comme se presentano;
chiene d’etichetta.
Nun stanno ‘mbuttigliate:
appena se fanno cunoscere, se fanno sbuttiglià!
E, comme oggette ‘e lusso,
ogne surzo, sette e nuvantacinque!
E ll’acque noste? Niente!
Eppure è ricchezza ca scorre!
Esce d”a terra benedetta
pe gghì a fernì pe’ tre quarte dint’ ‘e ffogne!
E’ quase nu sacrilegio! N’offesa a Ddio!
E comm’a ffiglio ‘e Castiellammare,
è na cosa ca nun ce pozzo penzà!
St’acqua mm’è ssanghe, mme coce!
“Ciao Maurizio ho scritto questa poesia, se ti piace mi farebbe piacere vederla sul tuo sito e che qualche stabiese la leggesse. Ciao, Carmine Spera”.
Levammèla sta maschera
Aret’a chesta maschera,
dimme chi ce sta:
si ‘na perzona seria,
o tiene voglia ‘e pazzià’?
Cu st’aria malinconica,
si capace ‘e me ‘mbruglià’;
mo levate sta maschera,
me so’ stancato ‘e sbarià’.
Cammenanno ‘mmiez’‘o traffico,
cuntinuo a te penzà’,
si ‘na perzona onesta
o si capace e me ‘ngannà’.
Forse aret’a chesta maschera,
s’annasconne ‘na città,
c’ammesca troppo buono:
fantasia e verità.
Levammèla sta maschera
pe ‘nu juorno a sta città,
guardammela int’a ll’uocchie,
fernimmela ‘e sunnà’.
Pullecenella spuogliate,
nun è cchiù tiempo d’aspettà’;
Castiellammare è viva,
pecchè nun vuo’ cagnà’.
Te truove ‘mmiez’‘e vicule
scure ‘e sta città,
cu ‘ncuollo ‘na paura
ca nun ‘nce fa cchiù cammenà’.
Pittammelo stu mare
c’‘a luce e ll’onestà,
Pullecene’ Castiellammare
tene voglia ‘e se scetà’!
* * *
“Ciao Maurizio, con un pizzico di ironia ed amara attualità ho scritto anch’io una poesia per il tuo sito, spero che ti piaccia”.
‘E terme
Castellammare
è la città delle acque,
pecchè tene ‘e Terme,
o comme dice ‘o zi’ mio,
se chiama accussì
pecchè quanno chiove
s’allagano ‘e vvie?
‘O zio vo’ pazzià’,
pecchè sulo ccà
ce stanno tanta surgente!
Gente ‘a luntano
ccà vene e se ferma
pe se fà’ ‘nu bicchiere
‘e ll’acqua d’‘e Terme.
Vintotto surgente,
ma vuje ce penzate
quanta abbondanza!
Chest’acqua fa bene
pe l’ossa e p’‘a panza,
è pure diuretica,
chi sa che vo’ dì’…
però mo corro a casa,
pecchè me scappa ‘a pipì!