Castellammare anima mia

La Regina delle Acque

Cara Napoli, io te voglio bbene,
quanno se va fore, me canoscene pe’ tte,
tu c’acciette ‘e figli e tutte quante
t”e strigne ‘mbraccie… comme si fosseno ‘e tuoje.

Ma io so’ ‘nnammurato, e niente ‘nce pozzo fa,
è ‘na bella guagliona, e t’ha vulesse appresentà.
E’ fatta ‘e acqua minerale, sorgenti in quantità
si sulo ‘a guarde ‘nfaccia, te fa emozionà,
pur’essa è bella, mamma e quant’è bella,
tu te putisse offendere, ma ‘a vita mia è chella.

‘A quando l’haggio vista, me songo annammurato,
haggio perzo ‘e chiocche pe’ st’anema malata.
Ma comme Napule, ancor ja capé?
L’avissa canoscere, è pure figlia a ttè!
Chesta bella guagliona che ti volevo presentare,
è tutta ‘a vita mia… essa è Castiellammare.