Archivi tag: francesco palmieri

Ricorde d”o paese mio

Ricorde d’ o Paese mio

di Guglielmo Tommasino e Francesco Palmieri
da “Suonn’ ’e stu coreˮ

Cassarmonica – Cartolina d’epoca di Enzo Cesarano

I
Mare bello c’ abbraccia ʻo Paese
lungo ʻa curva cu ʻo vverde d’ ʻe monte,
Quisisana, ʻo Castiello, Puzzano,
“Siteˮ ʻe suonne ca fanno ʻncantà…
N’ aria pura, balsamica e ddoce
da millenne “miracoloˮ fa…

Rovigliano, ʻo Vesuvio,
ʻo Museo, Varano,
ʻa villa chiena d’ albere,
cu ʻa meglia Cassarmonica.
Tutt’ ʻe Cchiese, ʻe Cunvente…
Faito! ch’ è ʻncantesimo
cu ʻo Tempio ʻe San Michele,
nun se ponno scurdà!…

II

Scoglio di Rovigliano – una rara stampa di Gaetano Fontana

E quant’ acqua ca sorge e va a mmare …
tutte ʻnzieme è nu sciummo ʻe salute!
D’ ʻo Sularo, vicino Scanzano,
stanno è Terme ca fanno sanà…
ʻNce ristora stu clima d’ ammore
e che voglia ʻe vulé ricurdà…

Rovigliano, ʻo Vesuvio,
ʻo Museo, Varano,
ʻa villa chiena d’ albere,
cu ʻa meglia Cassarmonica.
Tutt’ ʻe Cchiese, ʻe Cunvente…
Faito! ch’ è ʻncantesimo
cu ʻo Tempio ʻe San Michele,
nun se ponno scurdà!…

Scennènno ‘e notte di Francesco Palmieri

Scennènno ‘e notte

     ( di Francesco Palmieri – da   “Suonne e ricordeˮ )

Via Visanola - Foto Enzo Cesarano

foto Enzo Cesarano

Scennènno ’e  notte, p’ accurciatoia

da ’o Castiello pe’ Visanola,

dint’  ’o cerviello mio

se songhe affullate

’e cchiù ddoce ricorde;

e comme dint’ a nu specchio magico

me so’ visto guaglione.

Continua a leggere

Quisisana di Francesco Palmieri

Quisisana

     ( di Francesco Palmieri – da   “Penziere d’ammoreˮ )

Da Quisisana a Pozzano

Da Quisisana a Pozzano

Muntagna affatata,
tesoro ʻe sta terra:
ʻo cielo ccà ʻnzerra
na perla ʻncantata

cu ll’aria suttile,
c’ ʻo vverde ca stenne
nu manto, ca scenne
cchiù allero e gentile;

Continua a leggere

‘O Castiello di Francesco Palmieri

ʻO Castiello

     ( di Francesco Palmieri – da   “Suonne e ricordeˮ )

il castello 3 fronte

il castello

Mo dint’ a ll’aria canta ʻa Primmavera.

Tutto ʻo Faito ʻe verde s’ è vestuto.

ʻO cielo s’ è allùmmato, e p’ ʻa riviera

ʻe vvoce allere… ʻo mare è nu velluto. Continua a leggere