‘A staggiona ‘e stu Paese

di Andrea Esposito

‘A staggiona ‘e stu Paese è un vivace componimento dialettale scritto dal poeta stabiese Andrea Esposito.

In questo articolo, l’autore ricorda e racconta la sua estate a Castellammare di Stabia. Lo fa con tono leggero, ma attento. Descrive la città, le sue bellezze e il suo fascino nelle giornate estive.

Attraverso versi dialettali brevi, semplici e diretti, Esposito ci accompagna tra scorci, sapori e tradizioni locali, mettendo in risalto il vissuto e l’anima autentica della nostra “Città“.

In breve, questo componimento è un omaggio affettuoso alla Castellammare dei tempi andati, con un invito a tutti coloro che non la conoscono a: viverla, scoprirla e soprattutto ad amarla.

(Maurizio Cuomo)

‘A staggiona ‘e stu Paese

Vuie ca nun ‘a canuscita, ve perdite addore ‘e mare quanno sta arraggiato

‘e primizie cumme fossero criature appena nate, innocenti e prufumate

‘a cerasa all’amarena e ‘a perzeca ‘e varano c”o zucchero

‘o piennolo addiruso c”a cozzeca r”o scoglio

‘a percoca rint”o vino c”u ‘a neve, ca te fa stà cchiù allero

‘o vientariello all’ombra r”o pomeriggio, ca te scummoglia

ve perdite rint”a cuntrora, ammieza ‘a via sulagna e accalurata

‘e ssapurite ceveze ca pe’ tuccà ià fà un’anema e curaggio

‘o mellone ‘e acqua, friddo e gelato, ca po’ taglià ce vò ‘a mana affatata

‘a funtana ‘e ll’acqua r”a Maronna ca t’appare all’improvviso quasi fosse nu miraggio

‘o rummore re’ zuoccole ca sbattone ‘e vasuli r”a via sott”a finestra toja rint’’a nuttata

ca te scetano e tt’arraggi ca ‘e vulisse fa ‘o bbagno cu nu sicchio ‘e acqua ‘mbrummecata

Matalenaa, Nennilloo, Rafiluccioo, Savvatoree, Carulinaa, Mariarosaa, Pascalinoo, Mmaculataa…,

‘e vvoci rre mamme, ca corrono rint”o vico r”o Gesù a sera ca se chiammane tutt’’e figlie

‘a carruzzella cà se trascina p”a sagliuta r”o mulino purtann ‘o furastiero a se rinfrescà

nu piscatore ca torna ‘a matina ambressa roppa a na nuttata a mare cu saraghi argentati,

purpi arravugliati, ‘a pezzogna occhialuta, ‘a sogliola aligante e na macchia rossa tutta triglie,

‘o metronotte se ferma a ‘o bbar a fa culazione c”a graffia cavera e Pupetta primma r”o mmeritato riposo,

me ricordo ‘a zi’ Carluccio ca scenneva ‘a matina a Puzzano cu ‘e ricuttelle fresche e io ‘o aspettavo

ammiez”o ‘scuvato c”o panino all’olio già apierto pe’ ce mettere chella delizia ammiezo

‘a pimmuntesa ca me purtava ‘a robba paisana accattata ‘a matina stessa aret”o mercato,

vuie ca nun ‘a canuscite sta staggiona ‘e stu Paese, nun tardate, ma currite ‘a gudè sta rarità.