Ciro Alminni (poetica stabiese)

Stabiese di nascita ed appassionato della sua terra natìa, questo poeta ha al
suo attivo, tra le altre, diverse pubblicazioni di scritti, racconti e di poesie

Acqua ‘e Castiellammare
( tratta da: M’arricorde )

L'acqua ferrata cartolina di Enzo Cesarano

L’acqua ferrata cartolina di Enzo Cesarano

‘Nce steva ‘na vota
na funtanella
ma nun jeveno a bevere ‘e paparelle!
Jeveno a bevere ‘e guagliuncielle
r”a Chiazza, ‘o Cugnulo, Licerte e ‘o cantiere!
Veneve ‘o passante
‘o furastiere.
Vevevene ‘e maste r”e cantiere!
‘E late, ‘o bancone cu giarre e limone!
Rossa a patrona, na piezza ‘e figliola!
Chi ‘a giarra ‘a usava
duje sorde custave,
e chi nun ‘e teneve ‘o stesse veveve!!!
Va cu ‘a Maronna bell”e mamma
n’ata vota me ddaje:
se te truove turnanne!
E ‘a funtanella scurreve, scurreve!
Chell’acqua russagne,
ferrata, gassata
acqua sanante che quannne ‘a bevive
‘nganne astrigneve,
pe’ fine int”o vino ognune ‘o metteve!
Nu bellu juorno se sperdette
e chi ‘o sape ‘o pecché?
Mo, s’è scuperto, va trove pecché?
Nun so’ cchiù ‘e tiempe ‘e chella patrona
Ca “va bell”e mamma”, ‘o diceva cu’ ‘o core!
‘Nce nasce ‘na piazza?
Nu’ bellu palazzo?
Ma, ‘o ccerto ‘e chest’acqua!
sarrà n’intrallazzo?
‘Nce steva ‘na vota
na funtanella
nemmeno jeveno a bevere ‘e paparelle!
Jeveno a bevere ‘e guagliuncielle,
passante, furastiere, ‘e mast”e cantiere
ll’acqua Acidula pure era bella
cumprese ll’acqua Acitusella
cu vasche, funtane e funtanelle!
Ma ponne vevere sultante
e paparelle?


Lu cunto de zi’ Catiello

Sciosce lu viento
ncopp’a lu mare,
dorme la varca
‘nterr’a la rena.

Attuorno a lu fuoco
lu marenare
scarfa li piere,
scarfa li mane.

Scuro è lu cielo,
lucente so’ ‘e stelle,
lucene ‘e facce
cu la fiammella.

Schioppe lu lievene
e lu spruccatiello:
chisto è lu cunto
de zi’ Catiello.

Lascia un commento

Il tuo indirizzo email non sarà pubblicato. I campi obbligatori sono contrassegnati *