|
Aprimmo
l'anno nuovo
Co tric-trac e botte
Passammo chesta notte
In allegria.
Nascette lu Messia
Avenne poveriello
No voje e n'aseniello
Pe vrasera.
Da tanne 'e sta manera
Passato s'ò sti juorne
Pe fa dispietto e scuorno
A farfariello.
Ca chillo marionciello
Nce avea tutte aggranfate
Ne ce avarria lassate
E nce arrosteva,
Si ntiempo non veneva
Da cielo lu Guaglione,
Ca p'essere sguazzone
Nce preggiaje.
Tutte da li guaje
Volette liberarce
Patenno e co lassarce
Purzi ‘a lu piello.
Ma nuje che scurdarielle
Non simmo mango ingrate
Passammo sti ghiurnate
A fa sciacquitto.
E lu vedite scritto
Torna lu zampugnaro
Nce mette allummacare
Alleramente.
Nce fa venire a mente
La luminosa stella,
La bella grotticella
E li pasture.
Che gruosse e criature
Dall'Angelo avvisate
Correvano priate
A la capanna.
E cchi Ile porta o manna,
Co ceste e co panare
E chi lu va adurare
A faccia nterra.
E da lontana terra
Per fine li Re Magge
Cu traine e carriagge
Se partettero
Ch'appena che vedettero
Lu cielo alluminato
Dicettero era nato
Lu Messia.
E co gran cortesia
Vediste aggenucchione
De nanze a nu guaglione
Tre regnante.
Erode, re birbante
Trasette gia' mpaura
Ca chella criatura
Lo spriorava.
E pecche' se tremava
Chell'arma ntaverzata,
Fa fa chella salata
De guagliune.
Che simmele a picciune
Li facette scannare
Pe farece ncappare
A lu bambino.
Cchiu' nfame, cchiu' assassino
Nn'avite visto mai !...
E nterra non chiavaie
Tanno pe tanno.
Ma le restaie lu nganno.
Nè ce cacciaie niente
Co tutte li nuziente
Ch'accedette
Che la Madonna avette
Da cielo lu consiglio
De ne fuì lu figlio
Tanno tanno.
Sti ccose già se sanno
Ma quanno è chisto juorno
Nce arrollano cchiù attuorno
A la memoria.
E sia ditta pe gloria
Nce portano allegrezza
Tanto che c'è priezza
Pe ogni parte.
E sulo all'addonare
Che asciute so li ppigne
Te preje a chillo signe
De Natale.
Vi' mo p'ogne locale,
Pe puoste e pe pontune
Li rrobbe so a montune
Apparicchiate.
A festa so aparate,
Purzì fora li vie
Poteche, speziarie
E bancarelle.
E nne vide sportelle
Panare, votte e ceste,
E scatole, e caneste,
E gran sportune !
D'anguille e capitune
E pisce d'ogni sciorte
Ne vide grosse sporte
A centenare.
Tutta sta rroba pare
Potesse abbastà n'anno,
Eppure tanno tanno
Scomparisce.
La gente trase e esce,
E corre, va, e vene
E spenne quanno tene
Pe la canna.
Nè truove chi non manna
N'aurio, o nu rialo
Sarrà malo natale
Non manna' niente
Lu strazio de' nuziente
Se fa co li' capune
Che songo a miliune
Scapezzate.
Ne, vuie quanno trovate
Cchiu' festa e cchiu' allegria
Ma la pezzentaria
Nun canuscimmo.
E nuie percio' venimmo
Cu festa, canto e suono
P'aurià lu buon
Principio d'anno
Priesto che fenarranno
Li guaie e li tormiente,
Né mai cchiù lamiente
Sentarraie.
Spero
che vedarrate
Spuntà' pe vuie na stella
Lucente comm'a chella
E auriosa.
Spero
ch'assai sfarzosa
La sciorte addeventasse
E che ve contentasse
A tutte quante.
Si
sì niuziante,
Sempe puozz'aunnare
Conm'aonna lu mare
Ntutte Il'ore
Si po si vennetore,
E tiene magazzino
Se pozze ogni carrino
Fa ducato.
Si po sì n'avvocato
Ti dico solamente
Che puozze ave’ cliente
Capo tuoste.
Pecchè
t'abbusco vuosto
Nce sta' d'ogne manera,
O perde, o va ngalera,
O fa denare.
Puozze, si si' nutare,
Fa poche testamiente,
Capitule e strumiente
Nzine fine.
Sì nu ngegnere fine?
Trovasse ricche pazze,
Pe fraveca' palazze,
E turriune
O meglio a la Commune
Aggranfate coll'ogne
Ca Ilà sempe se magne,
E se va nchino.
Si n'ommo trafechino
E vuò cagnare stato
Rijesce Deputato
O Consigliere.
Tanno sì Cavaliere!
Si lu guverno appruove,
Ll'anema de li chiuove
Venarranno.
Si prevete? Te manno
L'aurio che dimane
Sì fatto parrucchiano
O monsignore.
Si si' faticatore,
Salute, forza e accunte
Accussì tu la spunta
E può campare.
Pero' aje da scanzare
Lu juoco e la cantina
O ncuorpe a la matina
Niente trase.
Si sì patron 'e case
Te scanza lo Signore
De malo pagatore
Comm'a nuie.
Che ntiempo se ne fuie,
Li tterze si nun pava
E se porta la chiava
D'altrittante.
Si po si navigante,
Nn'avisse mai tempeste,
Fa li viagge leste
E ricche ancora
Si miedeco? bonora
Me 'mbroglie nveretate
Va puozzo ogne malate
Fa guarire
Sti bobbo pozzo dire,
Si si' nu speziale
Sanasse ogne male,
Ogne dolore.
Si po si' giuocatore,
Venga la carta mpoppa
Ne puozze mai fa toppa
A zecchinetto
Si essere prutetto
Da la fortuna vuoje,
Cerca e fa quanto puoje
D'essere ciuccio.
Si quacche impiegatuccio
Puozzo piglià nu terno,
Si no starrai n'eterno
Ndebbetato.
Nzomma, nqualunque stato
Avvisse li rricchezze
E chelle contentezze
Ch' addesirie.
E chi ne tene mmiria
Che pozza fa na botta
E Ile scennesse sotta
Nu contrapiso.
Troppo nce avite ntiso
E ve site stufate,
E nuie simmo stracquate
E sete avimmo.
Da cca' non nce movimmo
La faccia è troppa tosta
Simmo venuto apposta
E ll' aspettammo.
Ne ch'addesiriammo
Castagne, fiche e nuce
E autre cose doce,
E susamielle.
Duie o tre canestrielle
Abbastano a sta panza,
Sapimmo la crianza
E simme poche.
Primma de chesso Iloche
Nce aprite la dispenza,
Simme di confidenza
Pigliammo tutto.
O provole, o presutto
N'arrusto o nu castrato
Sia friddo o sia scarfato
Nu capone.
Nuie l'obbligazione
Sapimmo esattamente
Nun nce restammo niente
Pe farve onore
Ca site nu signore
Sfarzuso e corazzone,
E ntutte l'occasione
Nun scumparite.
Piacere anze nn'avite
Si v'hanno scommodato
E nce addesiriate
L'anno che vene.
Tanno trovà cchiu bene
Speranno cchiu allegria
E na speziaria
De cose doce.
Nce resta aizà la voce
Pe ve cercà licenza
Dann a' sta bona udienza
La bona notte.
E bona notte
Buon capodanno a tutte,
E bona notte.
|
Apriamo
l'anno nuovo
con
tric-trac e botti
passiamo
questa notte
in
allegria.
Nacque
il Messia
avendo
in povertà
un
bue e un asinello
per
braciere.
Da
allora in questa maniera
sono
trascorsi i giorni
per
far dispetto e vergogna
al
diavolo.
Che
quel ladruncolo
ci
teneva nelle grinfie
ne
ci avrebbe liberato
e
ci arrostiva.
Se
in tempo non veniva
dal
cielo il Bambino
che
del suo altruismo
ci
pregiò.
Tutti
dai guai
volle
liberarci
patendo,
lasciandoci
anch'egli
la vita.
Ma
noi dimenticandoci
non
siamo nemmeno grati
passiamo
queste giornate
a
bere allegramente.
E
lo vedete scritto
torna
lo zampognaro
e
suona la zampogna
allegramente
Ci
fa tornare in mente
la
stella luminosa,
la
graziosa piccola grotta
ed
i pastori
Che
grandi e piccoli
dall'Angelo
avvisati
correvano
contenti
alla
capanna
E
chi porta o manda
con
cesto e con il paniere
e
chi lo va ad adorare
con
la faccia a terra
E
da lontana terra
persino
i Re Magi
con
traini e carri carichi
Partirono
Che
appena videro
il
cielo illuminato
dissero
era nato
il
Messia
E
con gran cortesia
videro
inginocchiarsi
davanti
ad un bambino
tre
regnanti (re Magi)
Erode,
re birbante
cominciò
ad aver paura
che
quella creatura
lo
spodestasse
E
per le sue paure
quell'anima torva
e cattiva
fece
fare quella strage
di
bambini
Che
simili a piccioni
li
fece sgozzare
per
riuscire ad intrappolare
il
Bambino
Più
infame, più assassino
non
avete visto mai !...
e
a terra non andò
in
quel momento
Ma
gli restò l'inganno
nè
ci ricavò niente
con
tutti agli innocenti
che
uccise
Che
la Madonna ebbe
dal
cielo il consiglio
di
far fuggire il figlio
subito
Queste
cose già si sanno
ma
quando è questo giorno
ci
frullano di più
alla
memoria
E
sia detto per gloria
ci
portano allegria
tanto
che c'è gioia
in
ogni parte
E
solo quando ti accorgi
che
sono uscite le pigne
gioisci
per quel segno
di
Natale
Vedi
ora per ogni locale
nei
punti vendita e negli angoli di strada
la
merce è abbondantemente
esposta
Son
preparati a festa
perfino
fuori in strada
botteghe,
spezierie
e
bancarelle
E
ne vedi di cassettine
panieri,
botti e cesti
e
scatole, e canestre,
e
cassettoni !
Di
anguille e capitoni
e
pesci di ogni tipo
ne
vedi grosse casse
a
centinaia
Tutta
questa roba sembra
potesse
bastare per un anno
eppure
immediatamente
sparisce
La
gente entra ed esce
e
corre, va, e viene
e
spende ciò che ha
per
la gola
Non
trovi chi non manda
un augurio, o un regalo
sarà un cattivo Natale
non mandare niente
Lo
strazio degli innocenti
si fa con i capponi
che sono a milioni
decapitati
Ne,
voi quando trovate
più festa e più allegria
ma l'elemosinare
non conosciamo
E
noi perciò veniamo
con festa, canti e suono
per augurare il buon
principio d'anno
Finiranno
presto
i guai e i tormenti,
e mai più lamenti
sentirai
Spero
che vedrete
spuntare per voi una stella
lucente come quella
di buon augurio
Spero
che assai sfarzosa
la
sorte diventi
e
che vi accontentasse
tutti
quanti
Se
sei negoziante
che
tu possa sempre avere ogni bene
come
il ripetersi delle onde del mare
a
tutte le ore
Se
poi sei un venditore,
e tieni un negozio
si possa ogni carlino (monetina)
far ducato (moneta di valore)
Se
poi sei avvocato
ti dico solamente
di avere dei clienti
testardi
Perché
il vostro guadagno
ci sta in ogni maniera
o perde, o va in galera
o
fa soldi
Ti
auguro, se sei notaio
di fare pochi testamenti,
capitolati e contratti
senza fine
Sei
un fine ingegnere?
Trova persone ricchissime,
per costruire palazzi
e
torrioni
Ancor
meglio al Comune
aggrappato con le unghia
che li sempre si mangia
e si va pieni
Sei
ingegnoso a trarre guadagni
e vuoi cambiare condizione
diventa Deputato
o Consigliere
Tanto
sarai Cavaliere!
se approvi il Governo,
la forza del denaro
verrà.
Sei
prete? Ti mando
l'augurio che domani
diventi parroco
o monsignore
Se
sei lavoratore,
salute, forza e acconti
in questo modo tu la spunti
e
puoi vivere
Però
devi evitare
il gioco e la cantina
o altrimenti al mattino
resti digiuno
Se
sei proprietario di case
ti scansi Iddio
dai cattivi inquilini
come noi
Che
in tempo scappa via, se
non
paga
la terza parte di un annata di pigione
e
porta con se la chiave
per
altrettanti giorni
Se
poi sei un navigatore
non avere mai tempeste,
fa viaggi veloci
e remunerativi
Sei
medico? Accidenti
m'imbrogli
in realtà
che
tu possa ogni malato
far guarire
Questo
intruglio posso dire,
se
sei un farmacista
sani
ogni malanno,
ogni
dolore
Se
poi sei un giocatore,
venga la carta fortunata
con l'augurio di non sbagliare mai
nel gioco delle carte
Se
vuoi essere protetto
dalla fortuna,
cerca di fare il possibile
di essere lavoratore
Sei
un piccolo impiegato
ti auguro di fare un terno,
altrimenti resterai in eterno
indebitato
Insomma,
in qualunque condizione
che tu abbia le ricchezze
di
quella contentezza
che
desideri
E
chi ne è invidioso
che
possa fare un botto
e
gli scendesse sotto
un
contrappeso (ernia)
Troppo
ci avete ascoltato
e vi siete stufato,
e noi siamo esausti
e abbiamo sete.
Da
qui non ci muoviamo
la faccia è troppa tosta
siamo venuti di proposito
E lo vogliamo
Ne
cosa desideriamo
castagne, fiche e noci
e altre cose dolci,
e susamielle (biscotti tradizionali).
Due
o tre canestrelli
bastano alla mia pancia,
sappiamo le buone maniere
e siamo in pochi
Prima
di questi
aprite la dispensa,
siamo di confidenza
prendiamo tutto.
O
provole, o prosciutto
un arrosto o un castrato
sia freddo che scaldato
un cappone
Noi
l'obbligazione
sappiamo esattamente
non vi lasciamo niente
per onorarvi
Che
siete un signore
sfarzoso e di gran cuore,
e in tutte le occasione
fate bella figura
Piaceri
anzi ne avrete
se vi hanno scomodato
e ci desiderate
l'anno prossimo
Devono
trovarti meglio
sperando più allegro
di uno spaccio
di cose dolci.
Ci
resta di alzar la voce
per chiedervi il permesso
di andare a meditare
la buona notte.
E
buona notte
Buon capodanno a tutti,
E buona notte.
|