www.liberoricercatore.it ( Storia, cultura e tradizioni stabiesi ) Castellammare di Stabia > Poetica stabiese > Carmine Spera @-mail     Poetica stabiese In questa rubrica pubblichiamo le poesie dedicate alla città di Castellammare di Stabia.  La raccolta potrebbe essere ampliata anche grazie al vostro contributo, per tale ragione  invitiamo a segnalare l'iniziativa a quanti possano essere interessati, o eventualmente a  recapitarci  mediante  liberoricercatore@email.it  un componimento poetico pronto.         Carmine Spera:     "Ciao Maurizio ho scritto questa poesia, se ti piace mi farebbe piacere vederla sul tuo sito e che qualche stabiese la leggesse. Ciao, Carmine Spera".         Levammèla sta maschera     Aret’a chesta maschera, dimme chi ce sta: si ‘na perzona seria, o tiene voglia ‘e pazzià’? Cu st’aria malinconica, si capace ‘e me ‘mbruglià’; mo levate sta maschera, me so’ stancato ‘e sbarià’.   Cammenanno ‘mmiez’‘o traffico, cuntinuo a te penzà’, si ‘na perzona onesta o si capace e me ‘ngannà’. Forse aret’a chesta maschera, s’annasconne ‘na città, c’ammesca troppo buono: fantasia e verità.   Levammèla sta maschera pe ‘nu juorno a sta città, guardammela int’a ll’uocchie, fernimmela ‘e sunnà’. Pullecenella spuogliate, nun è cchiù tiempo d’aspettà’; Castiellammare è viva, pecchè nun vuo’ cagnà’.   Te truove  ‘mmiez’‘e vicule scure ‘e sta città, cu ‘ncuollo ‘na paura ca nun ‘nce fa cchiù cammenà’. Pittammelo stu mare c’‘a luce e ll’onestà, Pullecene’  Castiellammare tene voglia ‘e se scetà’!         "Ciao Maurizio, con un pizzico di ironia ed amara attualità ho scritto anch'io una poesia per il tuo sito, spero che ti piaccia".       'E terme   Castellammare è la città delle acque, pecchè tene ‘e Terme, o comme dice ‘o zi’ mio, se chiama accussì pecchè quanno chiove s’allagano ‘e vvie? ‘O zio vo’ pazzià’, pecchè sulo ccà ce stanno tanta surgente! Gente ‘a luntano ccà vene e se ferma pe se fà’ ‘nu bicchiere ‘e ll’acqua d’‘e Terme. Vintotto surgente, ma vuje ce penzate quanta abbondanza! Chest’acqua fa bene pe l’ossa e p’‘a panza, è pure diuretica, chi sa che vo’ dì’... però mo corro a casa, pecchè me scappa ‘a pipì!         ( Autore: Maurizio Cuomo - © Copyright 2002 www.liberoricercatore.it  )